Foto: Mette Møller
Du treng
- 6 kg svineribbe
- Salt (grovt)
- Peppar (nykverna)
- 1 liter vatn
Slik gjer du
3 dagar før steiking:
- Veg ribba, rut svoren, og rekn 3 prosent av ribbevekta med grovt salt som du strør på ribba.
- Legg så ribba i form med svorsida ned, på kjølerom eller i kjøleskåp. Ei ribbe på 6 kg krev då rundt 180 gram salt.
- Fordel litt salt under svoren, og resten oppå. Det skal vera mest salt på toppen.
- La ribba stå kjølig i 3 døger.
Steiking:
- Puss av alt overflødig salt. Legg i langpanne med svorsida ned og nokre desiliter med vatn. Ha tett aluminiumsfolie over.
- Set i steikjeomn på 200 grader i ca. 2 timar.
- Ta ribba ut. Snu henne i langpanna. Set ei skål midt under ribba, då vil feitt og væske bli drenert av ribba. Svoren vert ikkje sprø før all væska er ute.
- Set ribba inn i omnen att på 180-200 grader i 1-2 timar. Då vil svoren etter kvart tørka og veksa seg sprø.
- Ein kan nesten ikkje oversteikje ei ribbe. Det er viktig å steikja så lenge at feittet smeltar.
- Om du slit med å få jamn og sprø svor, skrur du opp varmen mot slutten. Då er det viktig å fylgja med slik at svoren ikkje vert brend.
- Ta ribba ut og la henne kvila godt før du skjer i henne.