Dei fleste kjøper pinnekjøtet sitt ferdig, og dei fleste har sin favorittprodusent. Det må likevel vatnast ut. Diskusjonen rundt røykt eller urøykt pinnekjøt skal ikkje eg blanda meg inn i. Kvar og ein må ta vare på sin tradisjon. Sjølv fekk eg ordentleg smaken på pinnekjøt då Kristoffer Hovland kom til bygda som kokkelærling. Han er frå Dale i Sunnfiord. Kristoffer lærte meg å skjerpa pinnane i varmeomn før servering.
Du treng
Pinnekjøtt
- 250-300 g pinnekjøt per person
- Vatn
- Bjørkepinnar utan bork eller ei metallrist
- Poteter, kålrotstappe og lefse
Kålrotstappe
- 1 kg kålrot
- 3 middels store poteter
- Mjølk
- Kjøttkraft
- Vatn
- Salt
Slik gjer du
Pinnekjøtt
- Bruk ei balje som er god og stor. Dryss eit lag grovt salt i botnen av balja. Legg i kjøtet og dryss godt med salt oppå. Kjøtet skal dekkjast heilt av saltet. Set balja kjølig i 1 ½ – 2 dager, alt etter kor feit og stor sida er.
- Ta opp kjøtet og tørk av saltet. Heng kjøtet til tørking på ein luftig plass i 6-7 veker. Rekn 250-300 g pinnekjøt per person. Del sida i passande serveringsstykke (mellom kvart ribbein). Vatn kjøtet ut natta over.
- Legg bjørkepinnar (utan bork) i kryss i botnen av ein stor og vid kjele. Du kan og bruka ei vanleg metallrist. Hell vatn i kjelen så det når opp til rista. Det må ikkje koma vatn på kjøtet. Legg i kjøtet og set lokk på kjelen. La pinnekjøtet koka friskt i 2-2 ½ time. Etterfyll vatn i kjelen viss det kokar tørt. Når kjøtet losnar lett frå beinet, er pinnekjøtet ferdig.
- Server med kokte poteter, kålrotstappe og evenutelt lefse.
Foto: Mette Møller
Kålrotstappe
Ein kan ikkje servere pinnekjøtt utan ei god kålrotstappe.
- Kok kålrot og poteter til det er møyrt. Mos det med ei potetmose eller køyr det i hurtigmiksar.
- Spe med mjølk, kjøttkraft eller vatnet du kokte kålrota i, til stappa har passe konsistens. Smak til med salt.