Karamellpudding

Du treng

• 0,5 l heilmjølk
• 100 g sukker
• 5 heile egg
• ½ vaniljestong
  

  Karamellsaus

• 100g sukker
• 1 dl vatn
  

  Slik gjer du

1. Kok forsiktig opp mjølk, sukker og vanilje. Stong og trekk kjelen til side.
2. Rør egga lett saman i ein bolle, og slå den varme mjølka opp i egga litt og litt medan du rører. Sil blandinga til slutt.
3. Smelt sukkeret til karamell, og ha i litt vatn og kok ut så du får ein ganske tjukk og god karamellsaus. Viss du vil gjera det enklare, kan du godt bruka ein ferdigkjøpt karamellsaus.
4. Hell karamellsaus i botnen av ei brødform, og hell mjølke- og eggeblandinga over. Set forma i vassbad; vatnet skal stå om lag 1 cm opp i forma.
5. steik i omn (gjerne varmluft) på 100-110 grader i rundt 1 time. Du veit at karamellpuddingen er ferdig når du kan stikka ein kniv i han og bryta puddingen litt til side slik at karamellsausen flyt opp. Viss ikkje sausen flyt opp, må han stå litt til.
6. La karamellpuddingen kvila i forma i minst 3 timar før du skjer med ein kniv rundt kanten og snur han.